Irambona Eric yagizwe umuyobozi muri Rayon Sports yakiniye

Irambona Eric yagizwe Umuyobozi ushinzwe Imiyoborere y'Umupira w'Amaguru muri Rayon Sports, yakiniye imyaka irindwi.

Uyu musore, wahagaritse gukina ruhago, yakiniye Rayon Sports hagati ya 2013 na 2020, aho yakinaga inyuma ku ruhande rw'ibumoso, ndetse yanabaye kapiteni w'iyi kipe.

Yakiniye kandi andi makipe atandukanye yo muri shampiyona y'u Rwanda nka Kiyovu Sports, yabayemo imyaka ibiri.

Irambona yitezwe gufasha Komite Nyobozi ya Rayon Sports, yatowe mu Ugushyingo 2024, mu bikorwa by'umupira w'amaguru by'ikipe.

Ahawe izi nshingano mu gihe Rayon Sports yugarijwe n'ibibazo mu kibuga no hanze yacyo, dore ko iherutse no gutakaza umwanya wa mbere ku rutonde rwa shampiyona yari imazeho amezi atanu.

Ibyo bikaba byarakurikiwe n'ihagarikwa ry'umutoza mukuru w'ikipe, Robertinho, ndetse n'umutoza w'abanyezamu, Mazimpaka Andre, bashinjwa umusaruro mubi no gufata ibyemezo bidakwiye.

💙🤍OFFICIAL💙🤍

Welcome, Eric Gisa IRAMBONA, our new Football Administrative Director!

A true club legend who proudly wore the #Gikundiro jersey for 7 years (2013–2020), he now returns to oversee operations, logistics, and team coordination off the pitch.

He is #Gikundiro pic.twitter.com/RAFeBXtd9j
— Rayon Sports Official (@rayon_sports) April 16, 2025

Photo: Irambona yatojwe n'umutoza Robertinho, uherutse guharikwa muri Rayon Sports, ku ngoma ye ya mbere muri iyi kipe.

Photo: Irambona Eric yabaye kapiteni wa Rayon Sports.

Photo: Irambona Eric yakiniye Kiyovu Sports mu gihe kingana n'imyaka ibiri.