Ikipe ya REG y'abagore yegukanye igikombe cya Super Cup cyahataniwe bwa mbere muri basketball, nyuma yo gutsinda mukeba wayo, APR, amanota 76-64 kuri uyu wa Gatanu, tariki 17 Mutarama 2025.
APR, itozwa na Mushumba Charles, yayoboye umukino mu duce tubiri twa mbere, aho yatsinze amanota 20-17 mu gace ka mbere, yongera itsinda amanota 20-17 mu gace ka kabiri bituma ijya kuruhuka iyoboye n'amanota 40-34.
Gusa REG yaje kuva inyuma ikuramo ikinyuranyo cy'amanota atandatu cyari cyashyizwemo na APR mu mpera z'agace ka kabiri, ndetse inatsinda umukino.
Abakobwa batozwa Esperance Mukaneza batsinze amanota 28 mu gace ka gatatu, mu gihe APR yinjije atandatu gusa.
Mu gace ka nyuma, APR yagerageje kugaruka mu mukino ariko biba iby'ubusa, dore ko yatsinze amanota 18-14, bituma REG yegukana itsinzi, ishyizemo ikinyuranyo cy'amanota 12.
Umunezero Lamla wa REG ni we watsinze amanota muri uyu mukino, aho yinjije amanota 20.
Mu gihe, Umugwaneza Charlotte yatsinze amanota menshi ku ruhande rwa APR, aho yinjije amanota 19.
Photo: Umugwaneza Charlotte wa APR ahanganye na Feza Ebengo wa REG.
Photo: Kamba Yoro Diakité wa APR agerageza gutambuka kuri Umunezero Lamla wa REG.
Imikino ya kamarampaka (playoffs) ya shampiyona y’icyiciro cya mbere mu Rwanda muri basketball iratangira kuri uyu wa Gatanu...
Ikipe za REG na APR z’abagore zageze ku mukino wa nyuma wa kamarampaka muri shampiyona ya basketball nyuma yo gusezerera Kep...
REG irasabwa itsinzi imwe gusa kugira ngo yegukane igikombe cya shampiyona ya basketball mu bagore.
REG y’abagore yegukanye igikombe cya shampiyona ya basketball mu Rwanda mu bagore, nyuma yo gutsinda APR amanota 71-63 mu mu...
REG yatsinze APR amanota 82-77 kuri uyu wa Gatanu muri 1/2 cy'irushanwa ry'Akarere ka Gatanu mu gushaka itike y'Igikombe cy'...