Manchester United yatangaje Rúben Amorim nk'umutoza mushya wayo kugeza, aho yasinye amasezerano azageza muri Kamena 2027.

Uyu munya-Portugal aje asimbura Erik ten Hag, uherutse kwirukanwa kubera umusaruro mubi. Azatangira akazi muri iyi kipe y'i Manchester tariki 11 Ugushyingo 2024.

Ruud van Nistelrooy azakomeza gutoza iyi kipe by'agateganyo kugeza ubwo Amorim azatangirira imirimo ye.

Amorim yari amaze imyaka ine ari umutoza mukuru wa Sporting Clube de Portugal. Muri iyo myaka, yahesheje iyi kipe igikombe cya shampiyona 'Primeira Liga' mu 2021 nyuma y'imyaka 19 itagitwara, yongera kwegukana iki gikombe mu 2024.

Uyu mutoza w'imyaka 39 agiye kuba umutoza wa kabiri muto muri Premier League, yiyongera kuri Fabian Hürzeler wa Brighton & Hove Albion ufite imyaka 31.

Kuri ubu Manchester United iri ku mwanya wa 14 ku rutonde rwa shampiyona n'manota 11.