APR FC izahura na Musanze FC muri 1/8 cy'Igikombe cy'Amahoro, naho Rayon Sports ihure na Rustiro.

Ibyo ni bimwe mu byavuye muri tombola ya 1/8 cy'iri rushanwa yabereye ku cyicaro cy'Ishyirahamwe ry'Umupira w'Amaguru mu Rwanda (FERWAFA) kuri uyu wa Gatanu, tariki 24 Mutarama 2025.

Muri iyi tombola, amakipe umunani yabonye itike aciye mu ijonjora rya mbere n'irya kabiri ry'Igikombe cy'Amahoro arimo Amagaju, AS Kigali, City Boys, AS Muhanga, Intare, Musanze, Rutsiro, na Nyanza yatomboranye n'andi umunani ataranyuze mu majonjora bitewe n'uko yitwaye neza mu myaka iheruka muri iri rushanwa.

Police FC, yegukanye iri rushanwa umwaka ushize, izacakirana na Nyanza FC, ikina muri shampiyona y'icyiciro cya kabiri, muri 1/8.

Ni mu gihe, Bugesera, yari yageze ku mukino wa nyuma umwaka ushize, yatomboye Amagaju.

Imikino ibanza ya 1/8 itegerejwe tariki 11 na 12 Gashyantare 2025, mu gihe iyo kwishyura izaba tariki tariki 18 na 19 Gashyantare 2025.

Uko amakipe azahura muri 1/8 cy'Igikombe cy'Amahoro:

Rutsiro v Rayon Sports

Musanze vs APR

Amagaju v Bugesera

AS Kigali v Vision

City Boys v Gorilla

AS Muhanga v Gasogi United

Intare v Mukura

Nyanza v Police